Lima ka kasong gipasaka batok sa mga aktibista ug konsultant ang sunud-sunod nga gibasura sa mga korte sa milabayng 10 ka adlaw. Kini ang mga gama-gamang kaso sa illegal possession of explosives batok sa lider sa Gabriela nga si Beatrice Belen; illegal possession of firearms and explosives batok sa tigpamaba sa National Democratic Front-Panay nga si Concha Araneta; “pagpakaylap og pekeng balita” batok sa mga brodkaster sa Radyo Natin Guimba; inciting to sedition batok sa matutudlong si Ronnel Mas; ug illegal assembly batok sa mga aktibistang gitawag og Marikina 10. Ang desisyon sa kaso batok kang Araneta kaniadto pang Enero 6 gipagula apan niining Pebrero 18 lamang gihikyad sa publiko.

Una na nga gibasura sa korte niadtong Pebrero 5 ang search warrant nga gigamit aron arestuhon ug kasuhan silang Lady Ann Salem ug Rodrigo Esparago. Apan hangtud karon, nagpabilin silang nakapreso.