Wala huya si Maj. Gen. Arevalo sang 31D nga nagpabugal sang ila kapalpakan sa natigayon sini nga mga operasyon militar sang pasistang AFP sa Central Negros partikular na ang pasistang tropa sang 62nd IBPA. Suno ni Arevalo nakapoy na siya sa pagpanghatag award kag medalya sa nasambit nga tropa militar bangud kuno sang ila mga kadalag-an batok sa New People’s Army. Gusto ipalabas ni Arevalo nga lehitimo ang natabo nga mga engkwentro kag pagpamatay sang mga sibilyan kag minor de edad nga biktima. Kaangay sang natabo nga pagrapido patay kay Pompeo Landisa nga isa ka mangunguma sa Brgy Trinidad sadtong Hulyo 20, 2022 kag pagmasaker sa puluy-an sang pamilya Jacolbe nga nagresulta sang kamatayon ni Cristina Jacolbe nga isa ka Daycare worker sadto matapos nga ginredtag kag ginlagas sang militar sa panahon sang Oplan Sauron nga ginlunsar sang mga pwersa sang estado. Lakip nga napatay ang bata nga babaye ni Cristina nga si Everly Kee Jacolbe, 16 anyos kag estudyante sang Brgy Cabacungan, La Castellana, Negros Occidental. Patay man diri ang ila pa himata nga si Rodan Montero sadtong Hulyo 26, 2022 alas 5:30 sang kaagahon sa sityo Banderahan, Guihulngan, Negros Oriental.

Ang matuod wala ginakapoy si Arevalo sa pagbinutig kag pagmando sa iyang pasistang tropa sa pagmasaker kag pagpamatay sa mga sibilyan kag mangunguma nga wala man ikasarang magbato sa Central Negros kag bug-os nga isla. Dako nga kabutigan kag muklat nga ginahinabon ni Arevalo ang “peke nga engkwentro” sa sulod sang 5-10 ka minutos sang iya tropa militar batok sa masami 10 ka elemento sang New People’s Army.

Ang pagtakod ni Arevalo sang medalya sa mga tropa militar, ang sistematiko nga paghinabon sang ila kapalpakan kag kabutigan para intuon niya ang iya kaugalingon kag ang mga suluguon sini nga sanday B/Gen. Inocencio Pasaporte sa 303rd BdePA kag Col. Leonardo Pena sang 303rd BdePA upod sa ila nga mga pasistang tropa.

Mabaskog man nga ginakondenar sang LPC-NPA ang liwat naman nga pagpangharas sa mga inosenteng sibilyan sa border nga binukid sang Magallon, Negros Occidental kag Guihulngan. City, Negros Oriental.

Agosto 6, 2022 – ginkastigo sang katapo sang 62™ IBPA nga naga-operasyon si Larry Gelia sang sityo Natale, Bray. Sandayao, Guihulngan kag pagpinalupok sini sa lugar. Tubtob ssubong Agosto 8 ara gihapon ang nasambit nga pasisteng tropa nga nagatiner sa simbahan sang Baptist sa sityo Tiyos, Bray Quinten Remo, Magallon. Subongman may ara sa 60 ka kasundaluhan ang naga operasyon sa So. Tinubdan, Manlibod kag Batungbuang sang Bray. Trinidad, Guihulngan. Nagtuga ini sang kahadiok sa pumuluyo kag naghatag perwisyo sa ila pagpanguma kag pagpanginabuhi sa lugar.

Ginapanawagan ang mga pumuluyo sa Bray. Sandayao, Guihuingan kag Bray. Quinten Remo, Magallon nga mangin alisto sa pagbanlay para mahandaan ang malain nga kalakasan sang mga berdugong militar kaangay sang pagpangawat sang tanom kag kasapatan, agpangastigo, pagpanaka-saka sa mga kabalayan, pagpamahug kag pagpangawal sang kwarta sang pumuluyo tublob sa pagpamatay kag pagpangmasaker.